Тәрбие сағатының жоспары
Мұғалімнің аты-жөні |
Наурызбаева Д.Б. |
Күні |
13.09.2021 |
Сынып |
4 «Ж» |
Тақырыбы |
«Отбасым – бақыт мекенім»
|
Мақсаты : |
а) «Отбасы» құндылығы туралы түсініктерді отбасы туралы ұғымдарды кеңейту, оны сүйе білуге, отбасы игілігі үшін талмай еңбек етуге үйрету; б) отбасының негізі өмірдің ұйытқысы, киелі қасиетке ие болу сыры, отбасы тәлімінің мәні туралы түсініктерді кеңейту; в) отбасы тәрбиесінің мән-маңызын ашып көрсете отырып, ұлттық салтты, дәстүрді түсініп, құрметтеуге баулу, алдағы өмірге даярлау
|
Сабақтың барысы
Сабақтың этаптары /уақыты |
Мұғалімнің іс-әрекеті |
Оқушылардың әркеті |
Ресурстар |
Ұйымдастыру бөлімі (тренинг) |
Сәлемдесу назарын аудару, психологиялық ахуал туғызу: Қане, қане, тұрайық, Үлкен шеңбер құрайық. Тұрсақ үлкен шеңберге Алақанға ұрайық. Әке мен шеше, ата мен әже, аға мен әпке - біз жақсы көретін ең жақын адамдар. «Ата - бәйтерек,бала -жапырақ», «Әкеден - ақыл,анадан- мейір», «Ағасы бардың- жағасы бар,інісі бардың - тынысы бар»,-дейді халық. Осындай ынтымағы бір, тілегі бір отбасында өмір сүріп жатқан біз-бақыттымыз.
|
Шеңбер құру |
ұлағатты сөздер, плакат, сурет
|
Қызығушылықты ояту. Тақырыпты ашу |
«Отбасы» сөзіне ассоциация құрғызу. «Отбасы», «отау», «отағасы», «отау иесі» деген ұғымдарды қалай түсінесіз? Отбасы негізі неде деп ойлайсыз? Отбасының берекелі болуы кімге байланысты деп ойлаймыз? Отбасын құру үшін ата-ананың келісімі керек пе? Отбасын құру үшін адамдар қанша уақыт бірін-бірі білуі керек деп ойлайсыз?
|
«Отбасы» сөзіне ассоциация құрғызу.
Сұрақтарға жауап береді |
|
Ой қозғауНегізгі бөлім |
-Шығармашылық жұмыс. «Бақытты отбасы» моделі
|
Балалар «Бақытты отбасы» моделін салады, оны қорғайды.
|
Модель жасау |
Сабақтың барысы |
Отбасы ошақтың үш тағаны сияқты, олар- әке, ана, бала. Үшеуінің бірлігі отбасының бірлігі. Қоғамдағы әр шаңырақтың босағасы берік, мерейі үстем болмай , мем лекетіміз мықты болуы мүмкін емес.. Бала- ата-ананың игі істерін жалғастырушы болашағы. Атамыз қазақ «Бала-адамның бауыр еті», «Балалы үй базар» дейді. Өйткені, бала өмірдің жалғасы, отбасының жеміс берер гүлі. Отбасы - бұл қоғамның негізі. Баланың болашақта жақсы азамат болып өсуі, жан-жақты тәрбиелі болуы отбасында берілетін тәрбиеге тікелей байланысты. Әр бала-дара тұлға. Бала тәрбиесінде жаман қылықтар көрсетуден аулақ бо-лып, балаға үлгі бола алсақ- жан-жақты дамыған, шығармашылық қызығуы бар ұрпақ тәрбиелей аламыз. «Әкеге қарап ұл өсер, шешеге қарап қыз өсер» дегендей жақсы тәрбие беру ата-ананың парызы. Ситуациялық сұрақтар. Апа, Апа, маған ұялы телефон (сотка, сотка) алып берші! деп анасын мазалайды .Анасы әртүрлі сылтау айтып, көңіл бөлмейді. -Кейін алып берермін -Не қажеті бар? Осындай жағдайда сіз не істер едіңіз?
* Отбасына қатысты мақал жарысы.
|
Тақпақты жатқа айтады
Отбасым - менің жүрегім
Сұрақтарға жауап береді
Отбасы туралы мақалдар айтады: *Менің отбасым – менің байлығым! *Балаларсыз отбасы – иісі жоқ гүл сияқты. * Жанұясыз адам – жеміссіз ағаш сияқты. *Жақсы отбасыда жақсы балалар өседі. *Жанұя – бақыттың тірегі. *Менің үйім – менің қорғаным. |
Видео ролик Отбасы туралы
Тапсырмалар жазылған кәртішке |
Қорытынды |
Әке асқар тауымыз әр уақытта биіктен көрінсе, ағып жатқан бұлақ сарқылмайтын қазына болса, сол бұлақтың жағасында әр кезде жап-жасыл құрақтар өсіп тұрса, табиғатымыз отбасымыз, әсем болмай ма? Сыйластық пен мейірімділік орын алған отбасы ешқашанда шайқалмайды. Болашақ Қазақстанның әрбір отбасы тату болса, еліміз де тату болады.
|
|
|
Талапкер ауылының жалпы орта білім беретін мектебінде өткізілген іс-шара бойынша Ақпарат
Қыркүйек айының 13-күні 4 «Ж» сыныбында «Отбасым – бақыт мекенім»атты тәрбие сағатының ақпараты.
Мақсаты:«Отбасы» құндылығы туралы түсініктерді отбасы туралы ұғымдарды кеңейту, оны сүйе білуге, отбасы игілігі үшін талмай еңбек етуге үйрету;отбасы тәрбиесінің мән-маңызын ашып көрсете отырып, ұлттық салтты, дәстүрді түсініп, құрметтеуге баулу, алдағы өмірге даярлау.
Көрнекілік: Стикер,қарындаш, суреттер, интернет ресурстары, бейнежазбалар, слайд
Сабақтың барысы: Оқушыларды шаттық шеңберіне тұрғызып сабаққа деген психологиялық ахуал жүргізілді.Сабақ барысында «Отбасы» сөзіне ассоциация құрғызылды.«Бақытты отбасы» моделін салып, қорғады.Оқушылар үлкен қызығушылықпен ситуациялық сұрақтарға жауап берді.Мақал-мәтел айтып жарысты.Сабақ кезінде оқушылардың көңілдері көтеріңкі болды.Бақытты менің отбасым атты өлең жолдарымен тәрбие сағатымыз аяқталды.